Author: admin

17.02.2020 tarixində TƏBİB və AZKLMİB tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlər çərçivəsində növbəti nəzəri təlim keçirilib.

14.02.2020 tarixində TƏBİB və AZKLMİB tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlər çərçivəsində növbəti nəzəri təlim keçirilib.

07.02.2020 tarixində TƏBİB və AZKLMİB tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlərin növbəti mərhələsinə başlanılıb

İcbari tibbi sığorta çərçivəsində fəaliyyət göstərəcək dövlət tibb müəssisələrində laboratoriyaların standartlaşdırılması məqsədilə bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlərin növbəti mərhələsinə başlanılıb.

İcbari tibbi sığorta çərçivəsində fəaliyyət göstərəcək klinik diaqnostik laboratoriyalarda beynəlxalq standartlar tətbiq ediləcək

İcbari tibbi sığorta çərçivəsində fəaliyyət göstərəcək dövlət tibb müəssisələrində laboratoriyaların standartlaşdırılması məqsədilə İcbari Tibbi Sığorta üzrə Dövlət Agentliyi (Agentlik) layihə həyata keçirir. Ümumdünya Səhiyyə Təşkilatının tövsiyələrinə əsasən tərtib olunan layihənin işçi qrupuna Agentliyin və “Azərbaycan Klinik Laboratoriya Mütəxəssisləri İctimai Birliyi”nin (İctimai Birlik) nümayəndələri daxildirlər.

“Tibb müəssisələrində laboratoriyaların standartlaşdırılması” üzrə işçi qrupunun məqsədi ölkəmizdəki klinik diaqnostik laboratoriyaların müasir standartlar əsasında fəaliyyət göstərməsini təmin etmək və xidmətlərin keyfiyyətinin yüksəldilməsinə nəzarət mexanizmini gücləndirməkdir. Layihə çərçivəsində tibb müəssisələrindəki laboratoriyaların səviyyələrə bölünməsi, səviyyələr üzrə göstəriləcək laboratoriya xidmətlərinin siyahısı və kodlarının hazırlanması, eyni zamanda kadr potensialının qiymətləndirilməsi nəzərdə tutulub.

Layihə müddətində həmçinin işçi qrupu tərəfindən tibb müəssisələrinin laboratoriyalarında çalışan həkim və orta tibb işçiləri üçün təlim keçirilir. Bir ay ərzində davam edəcək təlimdə Bakı, Sumqayıt, Gəncə, Mingəçevir, Şirvan, Şəki və Lənkəran şəhərlərinin, o cümlədən Şamaxı, Göyçay, Quba, Cəlilabad və Ağcabədi rayonlarının tibb heyəti iştirak edir. Təlim nəzəri və praktik olmaqla iki hissədən ibarətdir. Nəzəri hissə Talassemiya Mərkəzində, praktik hissə isə sözügedən Mərkəzlə yanaşı, Azərbaycan Tibb Universitetinin Tədris Cərrahiyyə Klinikasında və həmin universitetin Onkoloji Klinikasında keçirilir.

Agentliyin Tibbi xidmətlərin strateji satınalma şöbəsinin müdiri, işçi qrupun rəhbəri Firəngiz Əliyeva təlimin açılışında bildirib ki, ölkəmizdə beynəlxalq standartlara cavab verən laboratoriyaların olması üçün vahid məlumat bazasının yaradılması, nəticədə laborator xidmətlər üzrə statistik məlumatların toplanılması və düzgün müalicə üsullarının tətbiqi zəruridir.

İctimai Birliyin İdarə Heyəti sədrinin müavini, işçi qrupun üzvü Ramin Bayramlı tibb heyətinə laborator test nəticələrinin düzgünlüyü üçün avadanlıqlardan istifadə mexanizmləri və prosesə nəzarət qaydaları barədə məlumat verib.

Qeyd edək ki, təlim müddətində iştirakçılara laborator diaqnostikada informasiya texnologiyalarının tətbiqinə dair vərdişlər öyrədilir.

Təlimin ilk günündə iştirakçılara müasir elmi kitablar və tədris materialları təqdim olunub.

Layihənin növbəti mərhələlərində təlimə respublikanın digər regionlarının tibb müəssisələrinin laboratoriyalarında çalışan tibb heyəti də dəvət ediləcək.

Təlimdə iştirakçılara sertifikat veriləcək.

22.12.2018 tarixində AZKLMİB-in 2. Bölgə Toplantısı — «Klinik Laborator Diaqnostikada Yeniliklər» Sipoziumu gerçəkləşib.

Quba şəhərində (Quba Palace Hotel) keçirilən 2-ci Klinik Laborator Diaqnostikada Yeniliklər Simpoziumunda Quba şəhərindən və ətraf rayonlardan Klinik Biokimya və Klinik Mikrobiologiya mütəxəssisləri başda olmaqla, 120-dən çox müxtəlif ixtisaslardan olan həkimin qatıldığı toplantını AZKLMİB sədri Prof.dr. Arif Əfəndiyev açıq elan etdi. Sədr, yeni yaradılan elmi cəmiyyətin məqsədi və missiyası haqqında məlumat verdi.

AZKLMİB sədr müavini Dos.dr. Ramin Bayramlı Azərbaycan Səhiyyə tarixində Klinik Laboratoriya sahəsində ilk dəfə yaradılan ictimai birliyin strukturları, üzvlük qaydaları və gələcək planları ilə bağlı iştirakçılara məlumat verdi.

Simpozium öz işini elmi proqram üzrə davam etdirdi.
İştirakçıların yüksək marağına səbəb olan və disskusiyalarla keçən toplantıda onlara maarifləndirici materiallar və «Klinik Laborator Diaqnostika» kitabı hədiyyə edildi, sertifikatlar təqdim olundu.