07.02.2020 tarixində TƏBİB və AZKLMİB tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlərin növbəti mərhələsinə başlanılıb
Tibbi Ərazi Bölmələrini İdarəetmə Birliyinin (TƏBİB) tabeliyində olan dövlət tibb müəssisələrindəki laboratoriyaların standartlaşdırılması məqsədilə TƏBİB və AZKLMİB tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlərin növbəti mərhələsinə başlanılıb.
07.02.2020 tarixində Milli Hematologiya və Transfuziologiya Mərkəzinin Talassemiya bölməsində keçirilən nəzəri təlimlərə TüFD. Yavər Hacısoyun təqdimatında “Analizlərə təsir göstərən preanalitik faktorlar” və TüFD. Qumral Ələkbərovanın təqdimatında “Qanın Mikrobioloji Diaqnostikası” mövzuları ilə start verilmişdir.
Təlim nəzəri hissədən sonra müzakirələrlə davam etmişdir.
