İcbari tibbi sığorta çərçivəsində fəaliyyət göstərəcək dövlət tibb müəssisələrində laboratoriyaların standartlaşdırılması məqsədilə bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlərin növbəti mərhələsinə başlanılıb.
İcbari tibbi sığorta çərçivəsində fəaliyyət göstərəcək dövlət tibb müəssisələrində laboratoriyaların standartlaşdırılması məqsədilə İcbari Tibbi Sığorta üzrə Dövlət Agentliyi tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan nəzəri və praktik təlimlərin növbəti mərhələsinə başlanılıb. Təlimlərin nəzəri hissəsi Milli Hematologiya və Transfuziologiya Mərkəzinin Talassemiya bölməsində, praktik hissə isə sözügedən Mərkəzlə yanaşı, Azərbaycan Tibb Universitetinin Tədris Cərrahiyyə Klinikasında və həmin universitetin Onkoloji Klinikasında keçirilir.
